კამპანია (Campania) იტალიის ერთ-ერთი ყველაზე ისტორიულად მნიშვნელოვანი ღვინის რეგიონია, თუმცა საერთაშორისო მასშტაბით ის ჯერ კიდევ შედარებით ნაკლებად არის დაფასებული. ვენახები ხშირად ვულკანურ ნიადაგებზეა გაშენებული, განსაკუთრებით ვეზუვის მთის მიმდებარე ტერიტორიებზე. ეს ნიადაგები ღვინოებს სტრუქტურას, მინერალურობასა და გარკვეულ დაძაბულობას სძენს.
კამპანიის ღვინოებს ხშირად დრო სჭირდებათ — ისინი ყოველთვის არ ავლენენ საკუთარ ხასიათს მაშინვე, თუმცა მოთმინებას ნამდვილად აფასებენ.
მთავარი დენომინაცია:
აგლიანიკო (Aglianico) — ტაურაზი (Taurasi) – სამხრეთ იტალიის ერთ-ერთი გამორჩეული წითელყურძნიანი ჯიში. სტრუქტურული, ტანინიანი და ხანგრძლივი დაძველების დიდი პოტენციალის მქონე ღვინოებს იძლევა. სერიოზულობით მას ხშირად ნებიიოლოს (Nebbiolo) ადარებენ, თუმცა მისი ხასიათი უფრო რუსტიკულია.
Feudi di San Gregorio Taurasi
სტრუქტურული და ძლიერი ღვინო — შავი ხილის, თამბაქოსა და ხანგრძლივი დაძველების კარგი პოტენციალით. შეფასება: 8.5/10
Cantina Manzini Aglianico Beneventano 2024
მკვეთრი და ოდნავ რუსტიკული ხასიათით, მუქი ხილისა და მიწისებრი ტონებით. შეფასება: 7.4/10